Bu il Rusiyada Azərbaycana məxsus çay evləri fəaliyyətə başlayacaq

Bakı. 5 sentyabr. REPORT.AZ/ Bu ilin sonuna qədər Rusiyanın Həştərxan şəhərindəki Azərbaycan İş Mərkəzində şərab və çay evləri fəaliyyətə başlayacaq.

"Report" xəbər verir ki, bu barədə iqtisadiyyat naziri Şahin Mustafayev "AzərTac"a müsahibəsində bildirib.

Onun sözlərinə görə, bu il həmçinin Rusiyanın Sankt-Peterburq şəhərində Azərbaycan Şərab Evinin, Yekaterinburq şəhərində isə Azərbaycan Ticarət Evinin açılması planlaşdırılır.