Bakıda torpaq sahələri ucuzlaşıb

Bu ilin aprel ayında Bakıda torpaq sahələri (1 sota görə) mart ayına nisbətən 11,1 %, ötən ilin eyni dövrü ilə müqayisədə isə 11,3 % ucuzlaşıb.

Bu barədə “Report”a “Azərbaycan Qiymətləndiricilər Cəmiyyəti” İctimai Birliyinin sədri, MBA konsaltinq və qiymətləndirmə şirkətinin baş direktoru Nüsrət İbrahimov məlumat verib.

Bundan başqa, onun sözlərinə görə, ötən ay tikinti materialları bazarında qiymətlər əvvəlki aya nisbətən 0,1 % azalıb, illik müqayisədə isə 17,5 % artıb.

"O cümlədən taxta məmulatlarının qiymətində ay ərzində 2,1 % azalma, il ərzində 15 % artım olub. Dəmir və daş məmulatları, dam örtükləri, qum və sementin qiymətləri isə dəyişməyib", - deyə N.İbrahimov qeyd edib.