Bakıda fərdi yaşayış və bağ evləri ucuzlaşıb

Bu ilin oktyabr ayında Bakıda fərdi yaşayış və bağ evlərinin qiyməti 5,78 % azalıb. Ötən ilin müvafiq dövrü ilə müqayisədə isə satışlarda 9,34 % bahalaşma olub.

Bu barədə “Report”a “Azərbaycan Qiymətləndiricilər Cəmiyyəti” İctimai Birliyinin sədri, MBA konsaltinq və qiymətləndirmə şirkətinin baş direktoru Nüsrət İbrahimov məlumat verib.

Fərdi yaşayış və bağ evləri bazarı üzrə ay ərzində bahalı evlərin (1 kv.metri 1 200 manatdan yuxarı) qiyməti 11,48% artıb. Orta qiymətə olan evlərin (1 kv.metri 800-1 200 manat çivarında) qiyməti 28,06 %, ucuz evlərin isə (1 kv.metri 800 manatdan aşağı) qiymətində 1,6 % azalma olub.