AZPROMO: TDT ölkələri ixracı və qarşılıqlı investisiyaları artırmalıdır

Türk Dövlətləri Təşkilatına (TDT) üzv ölkələr Türk Ticarət və Sənaye Palataları Birliyinin imkanlarından istifadə etməklə ixracı və qarşılıqlı investisiyaları artırmalıdır.

"Report" xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən Birliyin Baş Assambleyasında bildirib.

"Birliyin fəaliyyəti təqdirəlayiqdir. Bu platforma vasitəsilə qarşılıqlı investisiyalar yatıra bilərik. Türk İnvestisiya Fondunun mövcudluğu bizə imkan verir ki, mövcud layihələrdə iştirak edək", - deyə o qeyd edib.

Y.Abdullayev həmçinin AZPROMO-nun fəaliyyəti ilə bağlı məlumat verib və deyib ki, Agentliyinn əsas məqsədi qeyri-neft-qaz ixracının artırılmasıdır.