"Azersun Holding" vergi yükünün azaldılmasını istəyir

Bakı. 10 mart. REPORT.AZ/ "Bu gün Azərbaycanda sahibkarların üzərində 39%-ə çatan vergi yükü var". 

"Report" xəbər verir ki, bunu "Şəffaflığa doğru birlikdə" mövzusunda keçirilən vergi konfransında çıxış edən "Azersun Holding"ın baş icraçı direktoru Savaş Uzan deyib: "Əgər mümkündürsə, həm Vergilər Nazirliyi, həm də Əmək və Əhalinin Sosial Müdafiəsi Nazirliyi bu vergi yükünü bir az azaltsın. Bununla da şəffaflığı təmin etmək üçün dəstək verərlər".

Holdinq rəsmisi, həmçinin yeni qəbul edilən qərarların icrası ilə bağlı sahibkarlara bir neçə ay möhlət verilməsini də xahiş edib: "Yeni qanunlar çox genişdir. Ona görə də istəyirik ki, qanunlar qəbuldan bir neçə ay öncə bizə bildirilsin".