Azərbaycanda gömrük əməkdaşlarının 20%-i məsuliyyətə cəlb edilib

Azərbaycanda gömrük əməkdaşlarının 20%-i məsuliyyətə cəlb edilib Aydın Əliyev: "Son 2 il 5 ay ərzində 600-dən artıq gömrük əməkdaşı məsuliyyətə cəlb edilib"
Biznes
680
30 May , 2017 11:19
Azərbaycanda gömrük əməkdaşlarının 20%-i məsuliyyətə cəlb edilib
Report.az

Bakı. 30 may. REPORT.AZ/ Azərbaycanın gömrük orqanları tərəfindən indiyədək 600 min elektron gömrük bəyannəməsi emal edilib.

“Report”un məlumatına görə, bunu Bakıda “İqtisadi islahatlar: Əldə edilmiş nəticələr və tövsiyələr” mövzusunda keçirilən konfransda çıxış edən Dövlət Gömrük Komitəsinin (DGK) sədri Aydın Əliyev deyib.

A.Əliyevin sözlərinə görə, Azərbaycanda daxili istehsalın stimullaşdırılması üçün bəzi spesifik məhsullara xüsusi yanaşmaya keçilib: "Son 2 il 5 ay ərzində 600-dən artıq gömrük əməkdaşı məsuliyyətə cəlb edilib ki, bu da ümumi əməkdaşların 20%-dən çoxudur".

Komitə sədri sərhəd keçid məntəqələrində xüsusi dəhlizlər yaradılacağını deyib: "Artıq Dövlət Sərhəd Xidməti ilə bütün sərhəd keçid məntəqələrində olmuşuq. Turistlər üçün sərhəd keçid məntəqələrində xüsusi dəhlizlərin yaradılması nəzərdə tutulub".

A.Əliyev deyib ki, ötən ilə nisbətən yükdaşımaların həcmi artıb: "Ötən ilin ilk 4 ay 25 günü ilə müqayisədə 200 ton artıq yük daşınıb. İlk 4 ayda idxal 400 mln. ABŞ dolları civarında artıb. İlk 4 ayda ölkədən 150 min tondan artıq əlavə qeyri-neft sektoru malları ixrac edilib. Çəki üzrə meyvə-tərəvəz idxalı 15%, bitki yağları 5%, sement 92% azalıb. Ümumi idxal isə 16,53%-dir. Hazırda ixrac idxalı 1 270 mln. dollara yaxın üstələyir. Mütləq çəkidə meyvə-tərəvəz ixracı 61,7%, yağlar 2%, pambıq 6 dəfə, spirtli və spirtli içkilər 32%, çay 22% artıb".

Komitə sədri qeyd edib ki, yalnız ötən il ərzində yarım milyarda qədər gömrük qiymətləndirməsi artıb: "Yalnız ötən il ərzində protokolsuz yarım milyarda qədər gömrük qiymətləndirilməsi artıb. Artıq bir sıra ölkələrlə məlumatların əvcəlcədən mübadiləsi ilə bağlı razılaşmışıq".

Son xəbərlər

Orphus sistemi