Azərbaycan və EBRD investisiyaların stimullaşdırılmasını müzakirə edib

Azərbaycan Avropa Yenidənqurma və İnkişaf Bankı (EBRD) ilə investisiyaların stimullaşdırılmasını müzakirə edib.

"Report" xəbər verir ki, bunu iqtisadiyyat naziri Mikayıl Cabbarov tviter hesabında bildirib.

"EBRD-nin Şərqi Avropa və Qafqaz regionu üzrə icraçı direktoru Matteo Patronenin rəhbərlik etdiyi nümayəndə heyəti ilə Bankla ölkəmizin səmərəli əməkdaşlığı, investisiyalarınların stimullaşdırılması və biznes mühitinin təkmilləşdirilməsi istiqamətində həyata keçirilən islahatlar barədə fikirlərimizi bölüşdük", - deyə o qeyd edib.