Azərbaycan Türkiyədən xalça idxalına çəkdiyi xərci açıqlayıb

Bu ilin yanvar-avqust aylarında Azərbaycan Türkiyədən 5,401 milyon ABŞ dolları dəyərində xalça idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, 2023-cü ilin eyni dövrün göstəricisi ilə müqayisədə 8,4 % azdır.

Təkcə avqust ayında Türkiyə Azərbaycana 1,277 milyon ABŞ dolları dəyərində xalça ixrac edib ki, bu da, illik müqayisədə 77,4 % çoxdur.

8 ayda Türkiyənin ümumi xalça ixracının dəyəri illik müqayisədə 8,1 % artaraq 1,836 milyard ABŞ dollarına çatıb, avqust ayında isə 1 % azalaraq 231 milyon ABŞ dollarına enib.