Azərbaycan Türkiyədən metal idxalına çəkdiyi xərci 7 % artırıb

Bu ilin yanvar-iyul aylarında Azərbaycan Türkiyədən 76,198 milyon ABŞ dolları dəyərində qara və əlvan metal idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 6,8 % çoxdur.

Təkcə iyul ayında Türkiyə Azərbaycana 13,908 milyon ABŞ dolları dəyərində qara və əlvan metal ixrac edib ki, bu da 1 il əvvələ nisbətən 42,1 % çoxdur.

7 ayda Türkiyənin qara və əlvan metal ixracının ümumi dəyəri illik müqayisədə 4,3 % azalaraq 7,167 milyard ABŞ dolları, iyul ayında isə 12 % artaraq 1,106 milyard ABŞ dolları olub.