Azərbaycan Türkiyədən mebel idxalına çəkdiyi xərci təqribən 19 % artırıb

Bu ilin yanvar-fevral aylarında Azərbaycan Türkiyədən 21,944 milyon ABŞ dolları dəyərində mebel, kağız və meşə məhsulları idxal edib.

“Report” Türkiyə İxracatçılar Məclisinə istinadən xəbər verir ki, bu, 2024-cü ilin eyni dövrü ilə müqayisədə 18,7 % çoxdur.

Təkcə fevralda isə Türkiyə Azərbaycana 11,304 milyon ABŞ dolları dəyərində mebel, kağız və meşə məhsulları ixrac edib ki, bu da 1 il əvvələ nisbətən 13,6 % çoxdur.

İki ayda Türkiyənin mebel, kağız və meşə məhsulları ixracının ümumi dəyəri illik müqayisədə 3 % azalaraq 1 milyard 217 milyon ABŞ dollarına, fevralda isə 6,8 % azalaraq 608 milyon ABŞ dollarına düşüb.