Azərbaycan Moldova ilə yeni əməkdaşlıq memorandumu imzalayıb

Azərbaycanın İxracın və İnvestisiyaların Təşviqi Agentliyi ilə Moldovanın İnvestisiya Agentliyi arasında əməkdaşlıq memorandumu imzalanıb.

"Report" bu barədə Kənd Təsərrüfatı Nazirliyinə istinadən xəbər verir.

Məlumata görə, sənədə Kişineuda keçirilmiş Azərbaycan-Moldova iqtisadi əməkdaşlıq üzrə birgə hökumətlərarası komissiyanın 5-ci iclasında imza atılıb.

Memorandumda qeyri-neft sektorlarına xarici investisiyaların cəlbi və qeyri-neft məhsullarının ixracının stimullaşdırılması istiqamətində qarşılıqlı əməkdaşlığın genişləndirilməsi nəzərdə tutulur.