Azərbaycan Macarıstandan güc transformatorlarının alışını bərpa edib

Bu ilin yanvar-may aylarında Azərbaycan 49,4 milyon ABŞ dolları dəyərində 32 040 ədəd güc transformatoru idxal edib.

"Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2024-cü ilin eyni dövrünün göstəricisindən dəyər ifadəsində 5,4 dəfə çox, kəmiyyət olaraq – 60 % azdır.

Hesabat dövründə Azərbaycan Çindən 34,1 milyon ABŞ dolları dəyərində (bir il əvvəlki göstəricidən 5 dəfə çoxdur) 21 470 ədəd (-64 %), Türkiyədən 5 milyon ABŞ dolları dəyərində (+50 %) 7 285 ədəd (-56 %), Hindistandan 3,11 milyon ABŞ dolları dəyərində (+36 dəfə) 156 ədəd (+39 dəfə), Amerika Birləşmiş Ştatlarından 2,94 milyon ABŞ dolları dəyərində (+17 dəfə) 29 ədəd (-10 %), Belarusdan 1,79 milyon ABŞ dolları dəyərində (-13 %) 449 ədəd (dəyişməyib) məhsul alıb.

Azərbaycan 1 il 5 aylıq fasilənin ardından Macarıstandan güc transformatorlarının tədarükünü (344 min ABŞ dolları dəyərində 62 ədəd) bərpa edib.