Azərbaycan-İtaliya Sənaye və Ticarət Palatasının yaradılması müzakirə olunub

Azərbaycan-İtaliya Sənaye və Ticarət Palatasının yaradılması, eləcə də Azərbaycan-İtaliya biznes forumunun keçirilməsi imkanları müzakirə edilib.

"Report" xəbər verir ki, bu barədə İqtisadiyyat Nazirliyinin İxracın və İnvestisiyaların Təşviqi Agentliyinin (AZPROMO) rəhbəri Yusif Abdullayevin İtaliyanın şirkətlər və "Made in Italy" Nazirliyinin sənaye mülkiyyətinin mühafizəsi üzrə baş direktoru Amedeo Teti ilə görüşündə qeyd edilib.

Görüşdə iki ölkənin biznes subyektləri arasında əməkdaşlığın inkişaf etdirilməsi barədə fikir mübadiləsi aparılıb.