Azərbaycanla Rostov vilayəti ticarətlə bağlı işçi qrup yaradır

Azərbaycanla Rostov vilayəti ticarətlə bağlı işçi qrup yaradır Azərbaycan ilə Rusiyanın Rostov vilayəti arasında iqtisadi ticarət əlaqələrinin inkişafına dair işçi qrup yaradılır.
Biznes
112
4 Mart , 2020 16:23
Azərbaycanla Rostov vilayəti ticarətlə bağlı işçi qrup yaradır
Azərbaycan İqtisadiyyat nazirinin müavini Niyazi Səfərov i / Report / Firudin Səlimov

Azərbaycan ilə Rusiyanın Rostov vilayəti arasında iqtisadi ticarət əlaqələrinin inkişafına dair işçi qrup yaradılır.

“Report” xəbər verir ki, bu barədə jurnalistlərə bildirən Azərbaycan İqtisadiyyat nazirinin müavini Niyazi Səfərov işçi qrupunun əlaqələndirilməsini Energetika Nazirliyinin həyata keçirəcəyini qeyd edib.

“Bu gün çox maraqlı və məzmunlu tədbir keçirildi, Rostov vilayəti ilə iqtisadi, mədəni, humanitar əməkdaşlığın inkişafına dair konkret məsələlər müzakirə olundu. Qeyd etmək istərdim ki, Rostov vilayətinin qubernatoru ilə Prezident İlham Əliyev arasındakı görüş əslində ikitərəfli əməkdaşlığımızın daha da inkişafı və genişlənməsi üçün yeni istiqamətlər müəyyənləşdirdi. Bu sahələr nəqliyyat və logistika, aqro sənaye kompleksi, enerji, xüsusilə də alternativ enerji mənbələri və təbii ki, Rusiya ilə, o cümlədən Rostov vilayəti ilə əməkdaşlığımızın mühüm tərkib hissəsi olan insan kapitalının və insan potensialının inkişafıdır”, - N.Səfərov vurğulayıb.

Nazir müavini tərəflər arasında qarşılıqlı əlaqələrin inkişafı məqsədilə işçi qrupu yaradılacağını diqqətə çatdırıb: “Fikrimcə, bu gün ərzində forumda hakim olmuş pozitiv əməkdaşlıq ab-havası gələcəkdə də görəcəyimiz işlərə sirayət edəcək”.

Son xəbərlər

Orphus sistemi