Azərbaycan Gürcüstanın oksigenə olan tələbatının 27 %-ni ödəyib

Bu ilin yanvar-avqust aylarında Gürcüstan 529,6 min ABŞ dolları dəyərində oksigen idxal edib.

“Report”un yerli bürosu xəbər verir ki, bu barədə ölkənin Milli Statistika İdarəsindən bildirilib.

İllik müqayisədə həcm 28,6 dəfə artıb.

Hesabat dövründə qonşu ölkənin ilk üç əsas oksigen tədarükçüsü Türkiyə (361,7 min dollar), Azərbaycan (144,7 min dollar) və Rusiya (22,95 min dollar) olub. Azərbaycan Gürcüstanın oksigenə olan tələbatının 27,3 %-ni ödəyib.

Gürcüstan pandemiya dövründə xəstəxanalarda oksigenə artan tələbatı təmin etmək üçün onu qonşu ölkələrdən idxal edir.