Azərbaycan Estoniyadan siyənək balığı tədarük etməyə başlayıb

Ötən il Azərbaycan 90,55 min ABŞ dolları dəyərində 78,39 ton siyənək (dondurulmuş) idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 73 %, kəmiyyət olaraq – 69 % azdır.

Hesabat dövründə Azərbaycan Rusiyadan 55 min ABŞ dolları dəyərində (bir il əvvəlki göstəricidən 79 % azdır) 49,99 ton (-73 %), Norveçdən 35,18 min ABŞ dolları dəyərində 28,1 ton və Estoniyadan 0,35 min ABŞ dolları dəyərində 0,3 ton siyənək alıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Estoniyadan tədarük həyata keçirilib.