Pakistandan Azərbaycan ərazisi ilə külli miqdarda narkotikin tranzit yolla keçirilməsinin qarşısı alınıb

Pakistandan Azərbaycan ərazisi ilə külli miqdarda narkotikin tranzit yolla keçirilməsinin qarşısı alınıb ​​​​​​​Dövlət Gömrük Komitəsinin (DGK) Hava Nəqliyyatında Baş Gömrük İdarəsinin əməkdaşları tərəfindən külli miqdarda narkotik vasitənin tranzit yolla Azərbaycan ərazisindən keçirilməsinin qarşısı alınıb
Biznes
3 İyul , 2024 14:19
Pakistandan Azərbaycan ərazisi ilə külli miqdarda narkotikin tranzit yolla keçirilməsinin qarşısı alınıb

Dövlət Gömrük Komitəsinin (DGK) Hava Nəqliyyatında Baş Gömrük İdarəsinin əməkdaşları külli miqdarda narkotik vasitənin tranzit yolla Azərbaycan ərazisindən keçirilməsinin qarşısını alıb.

“Report” DGK-ya istinadən xəbər verir ki, komitənin Baş İdarənin Gömrük risklərinin idarəolunması şöbəsindən daxil olan məlumat əsasında Azərbaycandan tranzit keçməklə Pakistandan Böyük Britaniyaya daşınan 53 yerdən ibarət irihəcmli bağlamalara “Alfa” ləqəbli kinoloji xidməti itinin tətbiqi ilə yoxlama həyata keçirilib.

Xidməti itin reaksiyasına əsasən sözügedən bağlamalar rentgen qurğusundan keçirilərkən monitorda 3 ədəd bağlamada şübhəli cizgilərin olduğu müşahidə edilib. Fiziki yoxlama zamanı həmin bağlamalardakı 30 cüt (60 ədəd) qara rəngli kişi ayaq geyimi olan səndəllərin alt hissəsində malların aşkar edilməsini çətinləşdirən üsullardan istifadə etməklə gömrük nəzarətindən gizlədilmiş şəffaf rəngli sellofana bükülü, qəhvəyi rəngli, qablaşdırmaları ilə birlikdə çəkisi 6 356 qram narkotik vasitə-həşiş qətranı aşkar edilib.

Faktla bağlı araşdırma aparılır.

Son xəbərlər

Orphus sistemi