Azərbaycan Cənubi Koreyadan PVC idxalını bərpa edib

Ötən il Azərbaycan 26,5 milyon ABŞ dolları dəyərində 29 min 890 ton polivinilxlorid (PVC) idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 11 % azdır, kəmiyyət olaraq – 25 % çoxdur.

Hesabat dövründə Azərbaycan Rusiyadan 13,7 milyon ABŞ dolları dəyərində (bir il əvvəlki göstəricidən 18 % azdır) 16 min 470 ton (+30 %), Amerika Birləşmiş Ştatlarından (ABŞ) 6,9 milyon ABŞ dolları dəyərində (+2,4 dəfə) 7 min 739 ton (+4,5 dəfə), İrandan 4,4 milyon ABŞ dolları dəyərində (-35 %) 4 min 454 ton (-37 %), Türkiyədən 1,2 milyon ABŞ dolları dəyərində (+0,08 %) 931 ton (+47,3 %), Koreya Respublikasından 114 min ABŞ dolları dəyərində 88 ton məhsul alıb.

Azərbaycan 1 il 11 aylıq fasilənin ardından Koreya Respublikasından tədarükü bərpa edib.

2022-ci ildə Azərbaycana (12 ölkədən) idxal edilmiş 23 min 851 ton polivinilxloridin 53 %-i Rusiyanın payına düşüb.