Azərbaycan bu il Şimali Qafqazdan 197 min ton taxıl idxal edib

Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") Şimali Qafqaz Regionlararası İdarəsi, bu il Azərbaycana ixrac edilmiş 197 min ton taxıla nəzarət edib.

"Report" bu barədə "Rosselxoznadzor"a istinadən xəbər verir.

Məlumata görə, hesabat dövründə qurum ümumilikdə regiondan Gürcüstan, Ermənistan, İran, İraq və Azərbaycana göndərilmiş 309,1 min ton bitkiçilik məhsulunu yoxlayıb. Ən çox məhsul Ermənistana (186,8 min ton taxıl) ixrac edilib. Onu Gürcüstan (100,4 min ton taxıl), İraq (15,1 min ton taxıl), İran (3,8 min ton taxıl), Əfqanıstan (500 min ton taxıl) və Azərbaycan (197 min ton taxıl) izləyib.

Şimali Qafqazdan ixrac ötən ilin eyni dövrü ilə müqayisədə 1,6 dəfə artıb.