Azərbaycan Braziliyadan ekskavator idxalını bərpa edib

Bu ilin yanvar ayında Azərbaycan 4,37 milyon ABŞ dolları dəyərində 48 ədəd ekskavator idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 23 %, kəmiyyət olaraq – 37 % çoxdur.

Hesabat dövründə Azərbaycan Çindən 2,22 milyon ABŞ dolları dəyərində (bir il əvvəlki göstəricidən 20 % çoxdur) 28 ədəd (+65 %), Cənubi Koreyadan 982 min ABŞ dolları dəyərində (+3,4 dəfə) 9 ədəd (+4,5 dəfə), Hindistandan 403 min ABŞ dolları dəyərində (-48 %) 4 ədəd (-56 %), Tailanddan 215 min ABŞ dolları dəyərində 1 ədəd (bir il əvvəl tədarük olmayıb), Braziliyadan 208 min ABŞ dolları dəyərində 1 ədəd ekskavator alıb.

Azərbaycan 2 il 11 aylıq fasilənin ardından Braziliyadan ekskavator tədarükünü bərpa edib.