Qazax. 25 mart. REPORT.AZ/ Qazax rayonunda piyadanın ölümünə səbəb olaraq hadisə yerindən qaçan sürücü saxlanılıb.
"Report"un Qərb bürosunun məlumatına görə, 2002-ci təvəllüdlü Vəliyev Məmməd Rövşən oğlu Birinci Şıxlı kəndi ərazisində yolu keçərkən "Mercedes" markalı avtomobil tərəfindən vurulub.
Ağır xəsarət alan piyada xəstəxanaya aparılan zaman yolda keçinib.
Hadisəni törədərək ərazidən uzaqlaşan 1986-cı il təvəllüdlü sürücü İbrahimov Ramin Həmid oğlu bir müddətdən sonra saxlanılıb.
Faktla bağlı araşdırma aparılır.
***9:48
Qazax rayonunda məktəblini avtomobil vuraraq öldürüb.
"Report"un Qərb bürosu xəbər verir ki, hadisə rayonun Birinci Şıxlı kəndi ərazisində baş verib.
Belə ki, Birinci Şıxlı kənd tam orta məktəbinin 11-ci sinif şagirdi, Məmməd Vəliyev yolu keçmək istəyərkən "Mercedes"markjalı avtomobilin sürücüsü tərəfindən vurulub. Hadisədən sonra sürücü ərazidən qaçıb. Yaralı şagird ətrafdakıların köməkliyi ilə xəstəxanaya aparılarkən yolda ölüb.