Yuxarı
    Bağlamaq

    Azərbaycanın iki yunan-Roma güləşçisi "Bakı 2015"də finala yüksəlib

    Daha 1 pəhləvan isə bürünc medal uğrunda qüvvəsini sınayacaq

    Bakı. 14 iyun. REPORT.AZ/ “Bakı 2015” I Avropa Oyunları çərçivəsində Azərbaycanın yunan-Roma güləşçilərindən 75 kq çəki dərəcəsində yarışan Elvin Mürsəliyev yarımfinalda Zurabi Datunaşvili (Gürcüstan) ilə üz-üzə gəlib. “Report”un xəbərinə görə, azərbaycanlı idmançı görüşdə 3:2 hesabı ilə qalib gələrək finala çıxıb. O, finalda Viktor Nemes (Serbiya) ilə qarşılaşacaq.

    14:40

    Bakı. 14 iyun. REPORT.AZ/ Azərbaycanın yunan-Roma güləşçisi Həsən Əliyev finala yüksələ bilməyib. "Report"un məlumatına görə, Əliyev yarımfinalda məğlub olaraq bürünc medal uğrunda görüşdə iştirak şansı qazanıb.  

    14:28.

    Bakı. 14 iyun. REPORT.AZ/ Azərbaycanın yunan-Roma güləşçisi Sabah Şəriəti " Bakı 2015" I Avropa Oyunlarında finala yüksəlib. "Report"un məlumatına görə, Şəriəti yarımfinalda Belarus güləşçisi Ioseb Çuqoşvilini 6:0 hesabı ilə məğlub edib. 

    Onun finaldakı rəqibi türkiyəli Rıza Kayaalp olacaq. 

    14:19

    Bakı. 14 iyun. REPORT.AZ/ “ Bakı 2015” I Avropa Oyunları çərçivəsində Azərbaycanın yunan-Roma güləşçilərindən 75 kq çəki dərəcəsində çıxış edən Elvin Mürsəliyev 1/4 finalda rusiyalı Çingiz Labazanovu 4:2 hesabı ilə məğlub edərək yarımfinala yüksəlib. 

    13:37

    Bakı. 14 iyun. REPORT.AZ/ “ Bakı 2015” I Avropa Oyunları çərçivəsində Azərbaycanın yunan-Roma güləşçilərindən 130 kq çəki dərəcəsində yarışan Sabah Şəriəti 1/4 finalda Jakobi Kajaianı (Gürcüstan) 5:2 hesabı ilə məğlub edərək yarımfinala çıxıb. Ən azı bürünc medalı təmin edən Şəriətinin finala gedən yolda rəqibi belaruslu Yoseb Çuqoşvili olacaq. 

    13:12

    Bakı. 14 iyun. REPORT.AZ/ “ Bakı 2015” I Avropa Oyunları çərçivəsində Azərbaycanın yunan-Roma güləşçilərindən 66 kq çəki dərəcəsində yarışan Həsən Əliyev 1/4 finalda Mixail Siamionau (Belarus) ilə üz-üzə gəlib. “Report”un xəbərinə görə, azərbaycanlı idmançı görüşdə 3:0 hesabı ilə qalib gələrək yarımfinala çıxıb. Onun növbəti rəqibi Ermənistan təmsilçisi Miqran Arutyunyan olacaq. 

    Azərbaycanlı Sabah Şəriəti Mikola Kuçmini (Ukrayna) 8:0 hesabı ilə məğlub edərək 1/4 final mərhələsinə çıxıb. Saman Təhmasibi isə 1/8 finalda uduzaraq mübarizəni dayandırıb. 

    saat 12:00

    Bakı. 14 iyun. REPORT.AZ/ Elvin Mürsəliyev İonel Puskasu (Rumıniya) məğlub edərək 1/4 finala çıxıb. 

    saat 11:41

    Bakı. 14 iyun. REPORT.AZ/ “ Bakı 2015” I Avropa Oyunları çərçivəsində Azərbaycanın yunan-Roma güləşçilərindən 85 kq çəki dərəcəsində yarışan Saman Təhmasibi 1/16 finalda Fabio Parisi (İtaliya) ilə üz-üzə gəlib. “Report”un xəbərinə görə, görüş 4:0 hesabı ilə Azərbaycan təmsilçisinin xeyrinə başa çatıb.

    O, 1/8 finalda Ermənistan təmsilçisi Maksim Manukyanla görüşəcək.

    Qeyd edək ki, bundan əvvəlki görüşlərdə Həsən Əliyev (66 kq) və Elvin Mürsəliyev (75 kq) qələbələr qazanıb.

    saat 11:09

    Bakı. 14 iyun. REPORT.AZ/ “ Bakı 2015” I Avropa Oyunları çərçivəsində 66, 75, 85 və 130 kq çəki dərəcəsində yunan-Roma güləşçiləri mübarizə aparır. “Report”un xəbərinə görə, 75 kiloqram çəkidə güləşən Elvin Mürsəliyev 1/16 finalda Slovakiya təmsilçisi Riçard Riqo ilə üz-üzə gəlib.

    Görüş 8:0 hesabı ilə Azərbaycan təmsilçisinin xeyrinə başa çatıb.

    ***

    Azərbaycan yunan-Roma güləşçilərinin bütün nəticələri:

    66 kq
    1/16 final - Saçino Davitaia (GEO) - Həsən Əliyev 2:4
    1/8 final - Daniel Janecic (CRO) - Həsən Əliyev 0:5
    1/4 final - Mixail Siamionau (BLR) - Həsən Əliyev 0:3
    1/2 final - Həsən Əliyev - Miqran Arutyunyan (ARM)
    Bürünc medal görüşü - Həsən Əliyev

    75 kq
    1/16 final - Riçard Riqo (SVK) - Elvin Mürsəliyev 0:8
    1/8 final - Elvin Mürsəliyev - Ionel Puskasu (ROU) 2*:2
    1/4 final - Çingiz Labazanov (RUS) - Elvin Mürsəliyev 2:4
    1/2 final - Elvin Mürsəliyev - Zurabi Datunaşvili (GEO) 3:2
    FİNAL - Viktor Nemes (SRB) - Elvin Mürsəliyev

    85 kq
    1/16 final - Saman Təhmasibi - Fabio Parisi (ITA) 8:0
    1/8 final - Maksim Manukyan (ARM) - Saman Təhmasibi 9:0

    130 kq
    1/8 final - Sabah Şəriəti - Mikola Kuçmii (UKR) 8:0
    1/4 final - Jakobi Kajaia (GEO) - Sabah Şəriəti 2:5
    1/2 final - Ioseb Çuqoşvili (BLR) - Sabah Şəriəti 0:6
    FİNAL - Rıza Kayaalp (TUR) - Sabah Şəriəti 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi