Yuxarı

Rusiya Milli Olimpiya Komitəsi: "II Avropa Oyunlarının təşkili ilə bağlı qapalı dəyərləndirmələr aparırıq" - EKSKLÜZİV

MOK mətbuat katibi: Hazırda Rusiyanı  Rio-de-Janeyroda Olimpiada daha çox narahat edir

Moskva. 18 iyun. REPORT.AZ/ Rusiya 2019-cu ildə II Avropa Oyunlarının keçirilməsi üçün imkanlara və müvafiq infrastruktura malikdir.

Bu barədə "Report"a Rusiya Milli Olimpiya Komitəsinin mətbuat katibi Konstantin Vıbornov bildirib. 

"Əlbəttə, Rusiya bu miqyasda Oyunların keçirilməsi üçün imkanlara və müvafiq infrastruktura malikdir, lakin bu, hələlik səhnəarxası, qapalı dəyərləndirilir və rəsmi şərh verilməyəcək. Hazırda bizi  2016-cı il Rio-de-Janeyro Yay Olimpiya Oyunları və atletika üzrə yığma ilə bağlı problemin həlli daha çox narahat edir", - deyə K.Vıbornov qeyd edib.

Qeyd edək ki, I Avropa Oyunları 2015-ci il iyunun 12 - 28-də Bakıda keçirilib. 

Bir müddət əvvəl Avropa Olimpiya Komitəsinin prezidenti Patrik Hikki 2019-cu il Avropa Oyunlarını keçirməyə Rusiyanın əsas namizəd sayıldığını bildirib. O, məsələnin Beynəlxalq Olimpiya Komitəsinin Rusiya idmanındakı dopinq problemləri ilə bağlı qərarından asılı olduğunu əlavə edib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi