Yuxarı

​"Bakı 2015" Mingəçevirdə bilet satışı məntəqəsi açıb

Biletlərin qiyməti 1-5 manat arasında dəyişir

Bakı. 22 may. REPORT.AZ/ Bu gün "Bakı 2015" Mingəçevirdə bilet satışı məntəqəsi açıb. "Report"un məlumatına görə, şəhər sakinləri avarçəkmə yarışları üçün biletləri Mingəçevir Dram Teatrının kassasından ala biləcəklər.

Avarçəkmə yarışları üzrə ilkin mərhələ oyunlarında oturacaqlı yerlər üçün biletlərin qiyməti 1-3 manat, final oyunları üçün isə 1-5 manat arasında müəyyənləşdirilib. Yaşı 16-dan aşağı olan yeniyetmələr və uşaqlar isə bütün idman yarışlarına biletsiz buraxılacaqlar.

Yeni açılmış bilet satışı məntəqəsi ilə bağlı fikirlərini bildirən "Bakı 2015"in əməliyyatlar üzrə baş direktoru Saymon Kleq Mingəçevir sakinlərinin gələn ay burada keçiriləcək avarçəkmə yarışlarına bilet ala biləcəklərini deyib. Onun sözlərinə görə, şəhərdə xüsusi bilet satışı məntəqəsinin olması, I Avropa Oyunlarını Azərbaycan xalqı üçün mümkün qədər çox əlçatan etmək vədindən irəli gəlir: "Beləliklə, onlar ölkədə gerçəkləşən möhtəşəm və tarixi idman bayramından zövq ala biləcəklər”.

Mingəçevir Dram Teatrının kassası M.Füzuli küçəsi 29 ünvanında yerləşir və həftənin yeddi günü səhər saat 10:00-dan axşam saat 18:00-dək açıq olacaq.

Qeyd edək ki, I Avropa Oyunlarında avarçəkmə yarışları 14-16 iyun tarixlərində keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi