Vatikan ABŞ-ın yeni prezidentinə dualar edəcək

Bakı. 10 noyabr. REPORT.AZ/ Vatikan ABŞ-ın yeni seçilmiş prezidenti Donald Trampa dualar edəcəyini vəd verib.

"Report"un məlumatına görə, bu barədə "Reuters" xəbər yayıb.

Məlumatda bildirilir ki, Vatikan Trampın öz gücünü dünyada sülhün bərqərar olmasına yönəltməsi üçün dualar edəcək.

"Biz dua edəcəyik ki, Allah onu maarifləndirsin və o gücünü xidmət üçün həm ölkəsinə, həmçinin bütün dünyada sülhün xeyrinə, çiçəklənmənə yönəltsin. Mən düşünürəm ki, bu gün ciddi münaqişədə olan dünyada vəziyyəti dəyişdirmək üçün hər kəs bunun üzərində işləməlidir " – deyə Roma katolik kilsəsinin dövlət katibi Petro Parolin bildirib.