Rusiyanın “Taxıl sazişi”ndən çıxması fonunda Çikaqo birjasında buğda 3%-ə yaxın bahalaşıb

Çikaqo birjasında buğda 2,95% bahalaşaraq buşel üçün 6,81 dollara çatıb.

Bu barədə "Report" birja məlumatlarına istinadən xəbər verir.

Xatırladaq ki, Rusiya Prezidenti Vladimir Putinin sözçüsü Dmitri Peskov "Taxıl sazişi"nin müddətinin başa çatdığını və sənədin vaxtının uzadılmadığını deyib. O bildirib ki, Rusiyanın “Taxıl sazişi” ilə bağlı mövqeyi iyulun 17-də Krım körpüsünə hücumdan əvvəl də açıqlanıb və hadisə məsələyə təsir göstərməyəcək.