Qubada yol qəzası zamanı avtomobil piyadanı vuraraq öldürüb

Bakı. 30 avqust. REPORT.AZ/ Quba rayonunda ağır yol-nəqliyyat hadisəsi baş verib. "Report" xəbər verir ki, Quba şəhər sakinləri Elgün Əzizovun idarə etdiyi "Mercedes" və Mayıl Yusifovun idarə etdiyi "Hundai" markalı avtomobillər toqquşub. Zərbənin gücündən "Hundai" markalı avtomobil yoldan çıxaraq piyada Nəzərşah Əmirbəyovu vurub. 

Yaralı Quba Rayon Mərkəzi Xəstəxanasına yerləşdirilib, həkimlərin müdaxiləsinə baxmayaraq orada ölüb.

Faktla bağlı Quba Rayon Polis Şöbəsi tərəfindən araşdırma aparılır.