Ölkəyə kərə yağının idxalı 20 %-dək artıb

Bu ilin yanvar-mart aylarında Azərbaycan xaricdən 4 min 966 ton kərə yağı və süddən hazırlanmış digər yağlar idxal edib.

“Report” Dövlət Gömrük Komitəsinə istinadən xəbər verir ki, bu həcmdə yağın dəyəri 26 milyon 910 min ABŞ dolları təşkil edib.

Məlumata görə, bu, ötən ilin müvafiq dövrü ilə müqayisədə həcm ifadəsində 808 ton (19,4 %), dəyər ifadəsində isə 6 milyon 829 min ABŞ dolları (34 %) çoxdur.

Hesabat dövründə kərə yağı və süddən hazırlanmış digər yağların idxalına çəkilən xərc Azərbaycanın ümumi idxal xərclərinin 0,92 %-ini təşkil edib.

Qeyd edək ki, bu ilin yanvar-mart aylarında Azərbaycan ölkəyə 6 527 ton kərə yağı idxal edib. Bu isə ötən ilin müvafiq dövrü ilə müqayisədə 1,5 % çoxdur.