Gürcüstan Azərbaycana qoyun tədarükünü 4 dəfə artırıb

Bu ilin yanvar ayında Azərbaycana xaricdən 637,36 min ABŞ dolları dəyərində 9 min 590 ədəd diri qoyun gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 7,1 % azalıb, kəmiyyət olaraq – 4,2 % artıb.

Hesabat dövründə Gürcüstandan 342,41 min ABŞ dolları dəyərində 5 min 960 ədəd, Rusiyadan isə 294,95 min ABŞ dolları dəyərində 3 min 630 ədəd qoyun alınıb.

Ötən ilin eyni dövrünün göstəriciləri ilə müqayisədə Gürcüstandan tədarük müvafiq olaraq 3,5 dəfə və 3,9 dəfə artıb, Rusiyadan – 38,5 % və 41,7 % azalıb.