Yuxarı
    Bağlamaq

    Çin şirkəti Azərbaycanda pambıq zavodu açmaq niyyətindədir

    Hazırda bu məsələ ilə bağlı danışıqlar aparılır

    Bakı. 8 fevral. REPORT.AZ/ Azərbaycan və Çin kənd təsərrüfatı sahəsində əlaqələri genişləndirmək niyyətindədir. Hazırda Çinin "Xinjiang Yinlonq" beynəlxalq kənd təsərrüfatı kooperasiyası şirkəti Azərbaycanda yeni texnolologiyalar əsasında mahlıc, pambıq toxumu istehsalı üçün müştərək zavod tikintisinin imkanlarını nəzərdən keçirir.

    "Report"un əldə etdiyi məlumata görə, yerli ekspertlərin fikrincə, Azərbaycanda toxumçuluğun inkişafı, pambığın emalı, çiyindən təmizlənməsi planları məhz bu zərurəti yaradır.

    Azərbaycanlı mütəxəssislər bildirirlər ki, Çin ölkənin iqlim şəraitinə və torpaq imkanlarına xüsusi önəm verir. Xarici mütəxəssislər Azərbaycanın iqlim şəraitini, torpağın daha təmiz və məhsuldar olmasını toxumçuluq və məhsul istehsalı üçün olduqca yüksək qiymətləndirirlər.

    Hazırda Azərbaycan Kənd Təsərrüfatı Nazirliyi ilə Çin şirkəti arasında bu istiqamətdə danışıqlar gedir.

    Qeyd edək ki, "Xinjiang Yinlonq" Çinin pambıqçılıq sahəsi üzrə ixtisaslaşan üçüncü ən böyük şirkətidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi