Cəlilabadda 13 minə yaxın körpə balıq suya buraxılıb 

Cəlilabad rayonunda su hövzəsinə körpə balıqlar buraxılıb.

"Report"un Muğan bürosunun məlumatına görə, proses rayonun Xəlilabad kəndində yerləşən ərazidə baş tutub.

Belə ki, könüllülər tərəfindən 13 minə yaxın körpə balıq suya buraxılıb.

Tədbirin məqsədi həmin su hövzəsində balıq populyasiyasını tənzimləmək, balıq məhsullarının əhalinin təlabatına uyğunlaşdırılmasına dəstək vermək və balıq ehtiyatlarının qorunmasının zəruriliyini təşviq etməkdir.