Bu il Azərbaycan Belarusa albalı və gilas tədarükünü 65 dəfə artırıb

Bu ilin yanvar-avqust aylarında Azərbaycan xarici ölkələrə 44,6 milyon ABŞ dolları dəyərində 35 min 602 ton albalı və gilas ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 7 %, kəmiyyət olaraq – 22 % çoxdur.

Hesabat dövründə Azərbaycan Rusiyaya 44,139 milyon ABŞ dolları dəyərində (bir il əvvəlki göstəricidən 6,3 % çoxdur) 35 min 259 ton (+21 %), Qazaxıstana 248,15 min ABŞ dolları dəyərində (+2 dəfə) 283,33 ton (+2,9 dəfə) və Belarusa 171,24 min ABŞ dolları dəyərində (+43 dəfə) 60,1 ton (+65 dəfə) məhsul satıb.

2022-ci ildə Azərbaycandan (4 ölkəyə) ixrac edilən 29,2 min ton albalı və gilasın 99,65 %-i Rusiyanın payına düşüb.