Azərbaycanın Türkiyəyə ixrac etdiyi pambığın dəyəri kəskin artıb

Bu ilin yanvar ayında Azərbaycandan xaricə 22,19 milyon ABŞ dolları dəyərində 10 min 152 ton pambıq mahlıcı göndərilib.

“Report”un Dövlət Statistika Komitəsinin məlumatları əsasında apardığı hesablamalara əsasən, ötən ilin analoji dövrü ilə müqayisədə ixrac dəyər ifadəsində 55,6 % artıb, kəmiyyət olaraq – 1,5 % azalıb.

Hesabat dövründə Türkiyəyə 21,1 milyon ABŞ dolları dəyərində 9 min 511 ton, İrana 1,1 milyon ABŞ dolları dəyərində 640,36 ton məhsul tədarük edilib.

Ötən ilin yanvar ayı ilə müqayisədə Türkiyəyə ixrac müvafiq olaraq 58,2 % artıb və 0,7 % azalıb, İrana - 17,7 % artıb və 11,8 % azalıb.