Azərbaycandan buğda və buğda unu ixracına gömrük rüsumu tətbiqinin müddəti uzadılıb

Nazirlər Kabineti “Xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.

"Report" xəbər verir ki, bununla bağlı Baş Nazir Əli Əsədov qərar imzalayıb.

Qərara əsasən 2022-ci ilin 1 may tarixinə qədər Azərbaycandan ixrac olunan buğdanın hər tonuna 200 ABŞ dolları gömrük rüsumu tutulacaq. Rüsum bərk buğda, toxumluq buğda, pərinc, yumşaq buğda və meslini əhatə edəcək.

Sözügedən rüsum bərk buğda unu, yumşaq buğda unu, pərinc unu və buğda-çovdar unu ixracına da şamil ediləcək.