Yuxarı

Azərbaycan regionları istehsal üzrə ixtisaslaşacaq

Bunun əsasında subsidiyaların da verilməsi müəyyənləşəcək

Bakı. 27 may. REPORT.AZ/ Azərbaycanda bölgələrin kənd təsərrüfatı məhsullarının istehsalına görə ixtisaslaşması prosesi aparılır. Hazırda bu sahədə alimlər hansı məhsulun hansı zonada yetişdirilməsinin daha münasib olduğunu öyrənirlər. Bunu "Report"a açıqlamasında kənd təsərrüfatı naziri Heydər Əsədov bildirib.

Nazir deyib ki, Azərbaycan bu sahədə BMT-nin Ərzaq və Kənd Təsərrüfatı Təşkilatından (FAO) da dəstək alacaq.

"Bu bitdikdən sonra ən yaxşı hansı məhsuldursa, onun istehsalını həvəsləndirmək, həm də dövlət təşviqi yolu ilə ola bilsin subsidiyaların artırılması, differensiallaşması yolu ilə həmin sahənin inkişafına dəstək verəcəyik. Belə bir hədəfimiz var. Amma hazırda ixtisaslaşma işində monitorinq aparılır", - H.Əsədov əlavə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi