Yuxarı
    Bağlamaq

    ​Azərbaycanda fermerlərə təkrar subsidiyalar veriləcək

    Subsidiyalaşma mexanizminin təkmilləşdirilməsi ilə bağlı təkliflər hökumətə təqdim olunub

    Bakı. 20 may. REPORT.AZ/ Azərbaycanda təkrar (aralıq) əkin üçün fermerlərə subsidiyaların verilməsi nəzərdə tutulub. "Report" xəbər verir ki, bunu kənd təsərrüfatı nazirinin müavini İlham Quliyev deyib: "Bir ildə təkrar əkin aparılarsa, həmin fermerlər iki dəfə subsidiya ala biləcəklər".

    Nazir müavini xatırladıb ki, bu yaxınlarda dövlət başçısının sərəncamı ilə fermerlərə yanacaq və mühərrik yağlarına görə verilən subsidiyaların həcmi 25% artırılıb. Həmçinin, fermerlər istifadə etdikləri gübrəni də artıq 70% güzəştlə əldə edə bilər.

    Bununla yanaşə, subsidiyalaşma mexanizminin təkmilləşdirilməsi ilə əlaqədar Kənd Təsərrüfatı Nazirliyi hökumətə xüsusi təkliflər təqdim edib.

    "Ehtimal ki, yaxın vaxtlarda o qaydalar təsdiq olunacaq. Burada nəzərdə tutulan məsələlərdən biri ondan ibarətdir ki, əvvəllər buğda və çəltik əkininə görə subsidiya payızda, yanacaq və mühərrik yağlarına görə isə yayda verilirdi. İndi isə opertivliyi təmin etmək, vaxt itkisinin qarşısını almaq üçün subsidiyaların ildə 1 dəfə verilməsi təklif olunur", - deyə İ.Quliyev qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi