Azərbaycan Türkiyədə keçiriləcək beynəlxalq qida sərgisində iştirak edəcək

Bakı. 25 iyul. REPORT.AZ/ Sentyabrın 20-23-də Türkiyənin İstanbul şəhərində beynəlxalq qida məhsulları və texnologiyaları, habelə beynəlxalq qablaşdırma və qida emal sistemləri sərgiləri keçiriləcək.

"Report"un Türkiyə mətbuatına istinadən verdiyi məlumata görə, sərgidə Azərbaycan, İtaliya, Almaniya, Böyük Britaniya, Yunanıstan, İran, İraq, Liviya, BƏƏ, Sudan, Əlcəziar, Tunis, Rusiya və digər ölkələrin bu sektorda fəaliyyət göstərən şirkətləri iştirak edəcək.

Ümumilikdə, tədbirdə 65 min yerli şirkət və 84 ölkədən ziyarətçinin gələcəyi nəzərdə tutulub.