Azərbaycan əsas tədarük bazarından soya yağı alışını azaldıb

Bu ilin ilk 7 ayında Azərbaycan xaricdən 1,674 milyon ABŞ dolları dəyərində 918,47 ton soya yağı alıb.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 20 % çoxdur, kəmiyyət olaraq – 15,2 % azdır.

Hesabat dövründə Rusiyadan 1,45 milyon ABŞ dolları dəyərində (bir il əvvəlki göstəricidən 15,4 % çoxdur) 779,17 ton (-20,6 %), Türkiyədən 35,13 min ABŞ dolları dəyərində (-1 %) 24,3 ton (-25,8 %) və Ukraynadan 90,25 min ABŞ dolları dəyərində 65 ton (3 illik aradan sonra tədarük bərpa edilib) məhsul gətirilib.

Qeyd edək ki, ötən il xaricdən (4 ölkədən) alınan 1 min 771 ton soya yağının 88,7 %-i Rusiyanın payına düşüb.