Azərbaycan buğda idxalını 10 %-dək azaldıb

Bu ilin yanvar -may aylarında Azərbaycan 355 min 625 ton buğda idxal edib.

“Report” Dövlət Gömrük Komitəsinə istinadən xəbər verir ki, bu həcmdə buğdanın dəyəri 124 milyon 049 min ABŞ dollar təşkil edib.

Bu, miqdar olaraq ötən ilin müvafiq dövrü ilə müqayisədə 36 min 588 ton (9,3 %) azdır, dəyər olaraq isə 24 milyon 241 min ABŞ dolları (24,2 %) çoxdur.

Bu il buğdanın 1 tonuna Azərbaycan 348 ABŞ dolları xərcləyib. Bu isə ötən ilin müvafiq dövrü ilə müqayisədə 37 % çoxdur.

Hesabat dövründə buğda idxalına çəkilən xərc Azərbaycanın ümumi idxal xərclərinin 2,42 %-ini təşkil edib.