Trampın açıqlaması dolları bir qədər də möhkəmləndirəcək

Trampın açıqlaması dolları bir qədər də möhkəmləndirəcək Avro/dollar cütlüyünün məzənnəsi 1,15 USD/EUR-a qədər geriləyə bilər
Analitika
155
28 Sentyabr , 2017 11:14
Trampın açıqlaması dolları bir qədər də möhkəmləndirəcək
AP/ Alex Brandon

Bakı. 28 sentyabr. REPORT.AZ/ ABŞ Prezidenti Donald Trampın vergi islahatları ilə bağlı dünənki çıxışından sonra dollar möhkəmlənməyə, faizlər isə yüksəlməyə başlayıb. "Report"un analitik qrupu bildirir ki, seçkilərdən öncə Tramp korporativ vergiləri 35%-dən 15%-ə qədər azaltmağa söz versə də, dünən 20%-ə qədər azaldacağını açıqlayıb. İnvestorlar bu açıqlamadan sonra ABŞ dövlət istiqrazlarını satmağa və dollar almağa başlayıblar. Nəticədə, 10 illik istiqrazların faizi 8 bənd artaraq son 8 həftənin maksimumuna - 2,317%-ə çatıb. Dollar indeksi isə 0,2% artaraq 93,5 bənd təşkil edib.

"Report"un analitik qrupu hesab edir ki, dolların məzənnəsinin yüksəlişi vergi islahatları və FED-in uçot dərəcəsini dekabrda artırması ehtimalı fonunda bir qədər də davam edəcək. Əsas valyuta cütlüyü olan avro/dolların məzənnəsinin ilin sonuna qədər 1,15 USD/EUR səviyyəsinə kimi geriləməsi gözlənilir. Qeyd edək ki, bu gün ABŞ-da II rüb ÜDM artımı göstəricisinin son variantı açıqlanacaq. Analitiklər artımın 3% olacağını proqnozlaşdırırlar. Əgər göstərici bu həddən üstün olarsa, dolların güclənməsi prosesi sürətlənə bilər.

Son xəbərlər

Orphus sistemi