Türkiyənin Van şəhərində 4,3 maqnitudalı zəlzələ qeydə alınıb.
"Report" xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, yeraltı təkanlar noyabrın 17-də yerli vaxtla saat 18:57-də baş verib. Zəlzələnin episentri Van gölündə, Gevaş rayonu yaxınlığında, ocağı isə 13,61 kilometr dərinlikdə yerləşib.
İlkin məlumatlara görə, zəlzələ nəticəsində dağıntı və tələfat qeydə alınmayıb.