Cənubi Koreyanın “Samsung Electronics” şirkəti yeni “Galaxy Fold” smartfonunu sentyabr ayından satışa çıxartmağı planlaşdırır.
Bu barədə “Report” Rusiya mətbuatına istinadən xəbər verir.
Xatırladaq ki, dünyanın ilk qatlanan displeyli smartfonunun buraxılışı jurnalistlərin aşkar etdiyi qüsurlar üzündən təxirə salınmışdı. “Samsung” bəyan edib ki, cihazın təkmilləşdirilməsi çərçivəsində displeyin “İnfiniti Flex” qoruyucu təbəqəsi gücləndirilib, ekranı qorumaq üçün metal təbəqəsinin qalınlığı artırılıb, şarnirlər üzərində qoruyucu qapaqlar quraşdırılıb, şarnirlə smartfonun gövdəsi arasındakı məsafə azaldılıb.
Bununla yanaşı, qatlanan cihaz üçün servis və interfeyslərin təkmilləşdirilməsi üzərində işlərin davam etdirildiyi bildirilir.