Respublika Təcili və Təxirəsalınmaz Tibbi Yardım Mərkəzinə bu gün saat 16:00 radələrində "Dəniz Mall" ərazisində şəxsin halının pisləşməsi səbəbilə çağırış daxil olub.
Bu barədə "Report"un sorğusuna cavab olaraq TƏBİB-dən məlumat verilib.
Məlumata görə, çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 50 yaşlı kişinin həkiməqədər ölüm faktı qeydə alınıb.
17:17
Dənizkənarı Milli Park ərazisində təxminən 35-40 yaşları arasında kişi yıxılaraq qəfildən dünyasını dəyişib.
"Report"un hadisə yerində olan əməkdaşı xəbər verir ki, onun infarkt keçirdiyi ehtimal olunur.
Həmin şəxs hadisə yerində keçinib.