"Sauthempton" baş məşqçisi Tonda Ekkertlə müqavilə müddətini uzadıb

İngiltərə Çempionşipində çıxış edən "Sauthempton" klubu baş məşqçisi Tonda Ekkertlə müqavilənin müddətini uzadıb.

"Report" klubun mətbuat xidmətinə istinadən xəbər verir ki, 33 yaşlı mütəxəssislə 2029-cu ilədək sözləşmə imzalanıb.

2025-ci ildən əsas heyətə müvəqqəti rəhbərlik etməyə başlayan Ekkertin dövründə "müqəddəslər" Çempionşipdə keçirdikləri 48 matçda 96 xal toplayıblar.

O, ötən mövsüm komandanı turnir cədvəlində 21-ci pillədən 4-cü yerə yüksəldib, həmçinin İngiltərə Kubokunun yarımfinalınadək irəliləyib.

Qeyd edək ki, hazırda "Sauthempton" 24 xalla 7-ci pillədə qərarlaşıb. Ekkert komandaya rəhbərlik etdiyi dönəmdə ev oyunlarını keçirdikləri "Sent-Meris"də ölkə çempionatı çərçivəsində cəmi 1 məğlubiyyətlə üzləşib.

Digər xəbərlər