Bu ilin ikinci rübündə Azərbaycan Dövlət Neft Şirkətinin (SOCAR) müstəqil şəkildə və ya əsas payçı qismində istismar etdiyi yataqlardan 1 milyard 969 milyon 670 min kubmetr qaz hasil olunub.
“Report” bu barədə SOCAR-ın açıqladığı qazma, hasilat, emal və ixrac göstəricilərinə istinadən xəbər verir.
Bu, ötən ilin eyni dövrü ilə müqayisədə 154 milyon 217 min kubmetr və ya 8,5 % çoxdur.
Ölkə üzrə isə qaz hasilatı 2024-cü ilin müvafiq dövrü ilə müqayisədə 170 milyon 864 min kubmetr və ya 1,4 % artaraq 12 milyard 692 milyon 215 min kubmetr təşkil edib.
Xatırladaq ki, ötən ilin ikinci rübündə SOCAR-ın müstəqil şəkildə və ya əsas payçı qismində istismar etdiyi yataqlardan 1 milyard 815 milyon 453 min kubmetr qaz hasil olunub, ölkə üzrə 12 milyard 521 milyon 351 min kubmetr qaz çıxarılıb.