Mərkəzi Nəbatət Bağı bu gündən əhali üçün açıqdır.
“Report” xəbər verir ki, bu barədə bağdakı işlərlə tanış olan media nümayəndələrinə məlumat verilib.
Qeyd olunub ki, giriş qiymətləri 2013-cü ildə qəbul edilən qərara əsasən, hələlik əvvəlki kimi 2 manat təşkil edir.
6 yaşa qədər uşaqlar üçün isə giriş pulsuzdur.
Qeyd edək ki, Azərbaycan Prezidenti İlham Əliyev, birinci xanım Mehriban Əliyeva və ailə üzvləri noyabrın 28-də Bakıda abadlıq, əsaslı yenidənqurma, tikinti və genişləndirmə işlərindən sonra Mərkəzi Nəbatat Bağının açılışında iştirak ediblər.
Foto: Gülçin Cəmil