IDEA İctimai Birliyinin, Ekologiya və Təbii Sərvətlər Nazirliyinin (ETSN) və Dövlət Turizm Agentliyinin nümayəndələri Qızılağac Milli Parkının yaradılmasının ildönümünə həsr olunmuş Xəzər dənizinin Kiçik Qızılağac körfəzinə körpə çəkikimi balıqların buraxılması mərasimində iştirak edib.
Ekologiya və Təbii Sərvətlər Nazirliyinin Mətbuat xidmətindən "Report"a verilən məlumata görə, IDEA İctimai Birliyi və nazirlik tərəfindən birgə həyata keçirilən “Zəngin hövzələr” layihəsi çərçivəsində çəki, ağ amur və qalınalın balıq körpələri Kiçik Qızılağac körfəzinə buraxılıb.
Məlum olduğu kimi, son onilliklər ərzində ölkəmizin su hövzələrindəki balıq növlərinin təbii populyasiyaları insan fəaliyyətinin mənfi təsirləri nəticəsində məhvolma təhlükəsi həddinə çatıb.
Bununla əlaqədar, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Azərbaycanın və Qafqaz regionunun su faunasının qorunması və bərpası üzrə bir sıra mühüm təşəbbüslər həyata keçirilir.
“Zəngin hövzələr” layihəsi balıq növlərinin təbii populyasiyasının artırılması, balıqartırma zavodlarında yetişdirilən müxtəlif növ balıq körpələrinin təbii mühitə buraxılması, eləcə də daxili su hövzələrində çirkləndirilmənin azaldılması, qanuni və sivil qaydalarla balıq ovunun təşviqi üzrə tədbirlərin həyata keçirilməsini nəzərdə tutur.
Qeyd edək ki, 26 sentyabr 2018-ci il tarixində yaradılmış Qızılağac Milli Parkı Qızılağac Dövlət Təbiət Qoruğunu və bütöv Qızılağac körfəzini ehtiva edir və Xəzər dənizində ilk mühafizə olunan dəniz ərazisi hesab edilir.
Qızılağac Milli Parkının zəngin biomüxtəlifliyini nəzərə alaraq, 2019-cu ilin nöyabr ayında IDEA İctimai Birliyinin təşəbbüsü ilə milli park dünya sularının xilası üçün ümid yeri ("Hope Spot") kimi seçilib.
Ümid yerləri “Mission Blue” təşkilatının beynəlxalq mühafizə kampaniyası çərçivəsində bəyan edilən, ekoloji baxımdan unikal olan dəniz əraziləridir.
Ümid yerlərinin elan edilməsi okeanların mühafizəsi üzrə qlobal ictimai dəstəyə nail olunması və getdikcə daha geniş su ərazilərinin mühafizə altına alınması məqsədini daşıyır.
Qızılağac Milli Parkına aid su ərazisi Xəzər dənizində ilk mühafizə olunan dəniz ərazisidir ki, onun mühafizəsi dünyanın ən çox nəsli kəsilmək təhlükəsi ilə üzləşən balıq növlərinin yaşaması üçün zəruridir.
İDEA İctimai Birliyi və ETSN vətəndaşları balıq ehtiyatlarının qorunmasında, qadağan olunmuş üsullarla balıq ovunun qarşısının alınmasında yaxından iştirak etməyə, məsuliyyətli balıq ovlanmasının təbliğinə və təşviqinə dəstək verməyə çağırır.
Kiçik Qızılağac körfəzinə balıq körpələri buraxılıb
Digər xəbərlər
Günəşdə güclü alışma baş verib
18 noyabr, 2026 / 00:36
COP31-də 2030-cu ilədək iqlim hədəfləri müzakirə olunub
17 noyabr, 2026 / 20:21
Bakı və Düşənbə 2027–2028-ci illər üçün ekoloji əməkdaşlıq proqramı hazırlayacaq
17 noyabr, 2026 / 14:24
Sabah 19 dərəcə isti olacaq, Bakıətrafı ərazilərə az yağış yağacaq
17 noyabr, 2026 / 12:08
Muxtar Babayev: Azərbaycan və Türkiyə Cəbrayılda Meşə Təlim Mərkəzi yaradıb
16 noyabr, 2026 / 16:43
Azərbaycanda bəzi ərazilərdə sabah güclü külək əsəcək - Xəbərdarlıq
16 noyabr, 2026 / 16:21
Türk dövlətləri COP31-də yaşıl əməkdaşlığın genişləndirilməsini müzakirə edib
16 noyabr, 2026 / 15:53
Muxtar Babayev: İqlim maliyyəsi üçün yeni mexanizmlərin yaradılması vacibdir
16 noyabr, 2026 / 15:48
Sabah hava yağmursuz olacaq
16 noyabr, 2026 / 12:52
Şahdağa 20 sm, Qrızda 14 sm qar yağıb - Faktiki hava
16 noyabr, 2026 / 09:56
Bakıda küləyin sürəti 28 m/s-dək güclənib, bəzi ərazilərə qar yağıb – Faktiki hava - Yenilənib
15 noyabr, 2026 / 21:23
Sabah Azərbaycanda intensiv yağış yağacaq, güclü külək əsəcək
15 noyabr, 2026 / 12:24
Sabah Bakıda yağış yağacaq
14 noyabr, 2026 / 12:40
Azərbaycanda yağmursuz hava hökm sürür - Faktiki hava
14 noyabr, 2026 / 10:06
Havanın temperaturu 5-10 dərəcə enəcək, güclü külək əsəcək - Xəbərdarlıq - Yenilənib
13 noyabr, 2026 / 16:53
Azərbaycan və Özbəkistan arasında ətraf mühit məsələləri müzakirə olunub
13 noyabr, 2026 / 14:29
Şənbə günü Azərbaycanda 22 dərəcə isti olacaq
13 noyabr, 2026 / 12:44
COP31: Leyla Əliyeva mühüm müzakirələrdə iştirak edib
13 noyabr, 2026 / 00:33
Azərbaycan ilə Ermənistan arasında transsərhəd çaylarla bağlı işçi qrupları yaradılıb
12 noyabr, 2026 / 21:24