Polşa gələn ilin yanvar ayında Suriyanın paytaxtı Dəməşqdəki səfirliyinin fəaliyyətini bərpa etməyi planlaşdırır.
"Report" xəbər verir ki, bu barədə Polşa mediası məlumat yayıb.
Hazırda Dəməşqdə səfirlik binasının heyətin qəbuluna hazırlanmasına cavabdeh olan Polşa müvəkkili var. Söhbət ilk növbədə on ildən çox əvvəl tərk edilmiş binanın təmirindən gedir. Obyekt hərbi əməliyyatlar nəticəsində zərər çəkməsə də, onun yenilənməyə ehtiyacı var.
Xatırladaq ki, Polşanın diplomatik heyəti 2012-ci ildə başlayan müharibə ilə əlaqədar Suriyadan çıxarılmışdı.