Hazırda "İnnovasiya və Süni İntellekt" üzrə təqaüd proqramından 25 gənc yararlanır.
"Report" xəbər verir ki, bunu Azərbaycan Gənclər Fondunun Gənclər təşkilatları ilə iş şöbəsinin müdiri Nail Şükürov jurnalistlərə açıqlamasında deyib.
O qeyd edib ki, gənclərin bu istiqamətdə bilik və bacarıqlarının artırılması, onların təşəbbüslərinin dəstəklənməsi Gənclər Fondunun əsas prioritet istiqamətlərindən biridir:
"2026-cı ildə elan edilən "İnnovasiya və Süni İntellekt" üzrə təqaüd proqramı aktivdir və 2 000-ə yaxın müraciət olub. Hazırda seçilmiş 25 nəfər gənc bu təqaüd imkanından istifadə edir".
O həmçinin vurğulayıb ki, gənclər üçün inkişaf, innovasiya və sosial təşəbbüslər üzrə qrant müsabiqəsi elan edilib:
"Müsabiqənin 7 mövzusundan biri məhz rəqəmsal gələcək, innovasiya və süni intellektlə bağlıdır. Gənclər bu mövzuda layihə təkliflərini Gənclər Fonduna təqdim edərək qrant əldə edə bilərlər. Nəticədə öz təşəbbüslərini həyata keçirə bilərlər"