Kürd qruplaşması İstanbuldakı partlayışa görə məsuliyyəti üzərinə götürüb

Bakı. 10 iyun. REPORT.AZ/ "Kürdüstan azadlıq şahinləri" kürd radikal qruplaşması (ТАК) İstanbuldakı partlayışa görə məsuliyyəti üzərinə götürüb.

"Report" AFP-yə istinadən xəbər verir ki, bu barədə qruplaşmanın saytında deyilir.

İyunun 7-də İstanbulda minalanmış avtomobilin partlaması nəticəsində 11 nəfər həlak olub, 36 nəfər yaralanıb. Ölənlərdən 6-sı polis əməkdaşı, beş nəfəri - mülki şəxslərdir.